415 خانواده پناهنده افغان از تاجیکستان به کانادا اعزام شدند
#
دوشنبه ، خبرگزرای جمهوری اسلامی 20/03/84
خارجی.تاجیکستان.افغانستان.زبان تاجیکی
415 خانواده پناهنده افغان در تاجیکستان از اوایل سال جاری میلادی
"پنج ماه گذشته " به کشور کانادا اعزام شده اند.
" نزاکت معین آوا " مدیر شعبه اطلاعات و خدمات دولتی مهاجرت تاجیکستان
روز جمعه به خبرنگارایرنا درشهر دوشنبه پایتخت تاجیکستان گفت : این افراد
که درچند سال گذشته به عنوان پناهنده درتاجیکستان به سر می بردند، با
مساعدت مالی دفتر کمیساریای عالی سازمان ملل متحد درامور پناهندگان و دفتر
سازمان بین المللی مهاجرت به کانادا اعزام شدند.
معین آوا افزود : پناهندگان افغان مقیم تاجیکستان با پیشنهاد خدمات
دولتی مهاجرت تاجیکستان اسناد لازم خود را به کمیساریای عالی سازمان ملل
متحد در امور پناهندگان ارایه داشتند و این کمیساریا پس از تحقیق از وضع
زندگی پناهندگان افغان در این کشور این تعداد خانواده را برای زندگی
موقت به کشور کانادا اعزام کرد.
" محمد داوود پنجشیری "سفیر افغانستان در تاجیکستان نیز گفت : بر اساس
اطلاع کمیساریای عالی سازمان ملل متحد در تاجیکستان ، تا اواخر سال جاری
میلادی "دی ماه84" حدود 900 خانواده افغان از تاجیکستان باید به کشورهای
مختلف اروپایی و آمریکایی اعزام شوند.
پنجشیری افزود : تعداد پناهندگان و مهاجرین افغان در تاجیکستان در حال
حاضر حدود 2 هزار نفر می باشند.
وی اظهار داشت : تا پایان سال های 1990 میلادی "15 سال پیش "حدود 17
هزار پناهنده ، مهاجر و کارمندان دیپلماتیک افغانستانی در تاجیکستان
زندگی موقت داشتند که تاکنون حدود 15 هزار نفر آنها با مساعدت مالی
کمیساریای عالی سازمان ملل متحد و سازمان بین المللی مهاجرت و دیگر
سازمان های بین المللی به افغانستان و کشورهای مختلف اروپای و آمریکای
اعزام شده اند.
گفته می شود، بیشتر پناهندگان و مهاجرین افغان زمان حاکمیت " طالبان "
در این کشور به تاجیکستان مهاجرت کرده اند.
آساق/2150/305/1513
