به گزارش روز شنبه ایرنا به نقل از خبرگزاری صدای افغان (آوا)، به گزارش رسانه‌های خبری طی یک هفته گذشته ۹ تن از پناهجویان افغانستانی از تاجیکستان اخراج شده‌اند.
بر اساس این گزارش، در میان اخراج شده گان کسانی نیز بودند که اسناد مهاجرت و پاسپورت نیز دراختیار داشتند.
کمیساریای عالی سازمان ملل متحد در امور مهاجرین نگرانی عمیق خود را از اخراج مهاجرین از تاجیکستان ابراز کرده و با انتشار اعلامیه‌یی گفته است که تاجیکستان با اخراج مهاجرین افغانستان٬ قوانین بین المللی مهاجرت را نادیده گرفته و زندگی پناهجویان افغان را با خطر رو به می کند.
«الیزابت تان»، مدیر حفاظت بین المللی کمیساریای عالی پناهندگان سازمان ملل می گوید تاجیکستان باید روند اخراج پناهجویان افغان را متوقف کند.
الیزابت افزود که چندین مرتبه در صحبت با مقامات تاجیکستان از آن کشور خواسته است تا برای افغان هایی که زندگی شان با خطر رو به روست پناهندگی بدهد.
بر اساس گزارش ها٬ تعداد زیادی از افغانهای پناهنده که در تاجیکستان زندگی می کنند هشدارهایی در خصوص اخراج اجباری دریافت کرده اند.
نظر شما